2011 թվականի նոյեմբերի 29-ին, ձեռամբ Հարավային Ռուսաստանի թեմակալ առաջնորդ գերշ. Տ. Մովսես եպիսկոպոս Մովսեսյանի և Կոտայքի թեմի առաջնորդ գերշ. Տ. Առաքել եպիսկոպոս Քարամյանի, օծվեց Գեորգիևսկի Սբ. Գևորգ եկեղեցին:
Սբ. Գևորգ եկեղեցու հիմնական բարերարներն են՝ Սերգեյ Դոևը, Իգոր Ավանեսյան,Վալերի Ցուգունյանը, Վլադիմիր Հարությունյանը, ինչպես նաև մի շարք հավատացյալ հայորդիներ:
Վեհափառ Հայրապետի օրհնությունը ժողովրդին փոխանցեց Կոտայքի թեմի առաջնորդ գերշ. Տ. Առաքել եպիսկոպոս Քարամյանը, իսկ թեմակալ առաջնորդ Մովսես Սրբազանը ներկայացրեց եկեղեցու կարևորությունը, և իր գնահատանքն ու օրհնությունը բաժանեց բոլոր բարերարներին, հավատավոր ժողովրդին և հատկապես բարձր գնահատեց սբ. Գևորգ եկեղեցու հովիվ արժանապատիվ Տ. Վարդան քահանա Հունանյանի նվիրական ծառայությունը:
Գեորգիևսկ քաղաքը հիմնվել է 1777 թ.: Հիմնադրումից հետո այստեղ տեղափոխվել են հայեր Արևմտյան Հայաստանի տարբեր բնակավայրերից, մասնավորապես Վանից, Մուշից, Համշենից: 1780-90-ականներին քաղաքում կառուցվել է Սբ. Գևորգ եկեղեցին, որը Երկրորդ Համաշխարհային պատերազմի տարիներին քանդվել է համայնավարների կողմից (1942 թ.):
Ներկայումս քաղաքում ապրում է մոտ 15-20 հազար հայություն: